శ్రీ మంగళ చండికా స్తోత్రం
ఓం హ్రీం శ్రీం క్లీం సర్వపూజ్యే దేవీ మంగళచండికే ।
ఐం క్రూం ఫట్ స్వాహేత్యేవం చాప్యేకవిన్శాక్షరో మనుః ॥ 1 ॥
పూజ్యః కల్పతరుశ్చైవ భక్తానాం సర్వకామదః ।
దశలక్షజపేనైవ మంత్రసిద్ధిర్భవేన్నృణాం ॥ 2 ॥
మంత్రసిద్ధిర్భవేద్ యస్య స విష్ణుః సర్వకామదః ।
ధ్యానంచ శ్రూయతాం బ్రహ్మన్ వేదోక్తం సర్వ సమ్మతం ॥ 3 ॥
దేవీం షోడశవర్షీయాం రమ్యాం సుస్థిరయౌవనాం ।
సర్వరూపగుణాఢ్యాంచ కోమలాంగీం మనోహరాం ॥ 4 ॥
శ్వేతచంపకవర్ణాభాం చంద్రకోటిసమప్రభాం ।
వహ్నిశుద్ధాంశుకాధానాం రత్నభూషణభూషితాం ॥ 5 ॥
బిభ్రతీం కబరీభారం మల్లికామాల్యభూషితం ।
బింబోష్టీం సుదతీం శుద్ధాం శరత్పద్మనిభాననాం ॥ 6 ॥
ఈషద్ధాస్యప్రసన్నాస్యాం సునీలోల్పలలోచనాం ।
జగద్ధాత్రీంచ దాత్రీంచ సర్వేభ్యః సర్వసంపదాం ॥ 7 ॥
సంసారసాగరే ఘోరే పీతరుపాం వరాం భజే ॥ 8 ॥
దేవ్యాశ్చ ధ్యానమిత్యేవం స్తవనం శ్రూయతాం మునే ।
ప్రయతః సంకటగ్రస్తో యేన తుష్టావ శంకరః ॥ 9 ॥
॥ శంకర ఉవాచ ॥
రక్ష రక్ష జగన్మాతర్దేవి మంగళచండికే ।
సంహర్త్రీ(సంహర్త్రి) విపదాం రాశేర్హర్షమంగళకారికే ॥ 10 ॥
హర్షమంగళదక్షే చ హర్షమంగళచండికే ।
శుభే మంగళదక్షే చ శుభమంగళచండికే ॥ 11 ॥
మంగళే మంగళార్హే చ సర్వమంగళమంగళే ।
సతాం మంగళదే దేవి సర్వేషాం మంగళాలయే ॥ 12 ॥
పూజ్యా మంగళవారే చ మంగళాభీష్టదైవతే ।
పూజ్యే మంగళభూపస్య మనువంశస్య సంతతమ్ ॥ 13 ॥
మంగళాధిష్ఠాతృదేవి మంగళానాం చ మంగళే ।
సంసార మంగళాధారే మోక్షమంగళదాయిని ॥ 14 ॥
సారే చ మంగళాధారే పారేత్వం సర్వకర్మణాం ।
ప్రతిమంగళవారే చ పూజ్యే త్వం మంగళప్రదే ॥ 15 ॥
స్తోత్రేణానేన శంభుశ్చ స్తుత్వా మంగళచండికామ్ ।
ప్రతిమంగళవారే చ పూజాం కృత్వాగతః శివః ॥ 16 ॥
దేవ్యాశ్చ మంగళస్తోత్రం యః శృణోతి సమాహితః ।
తన్మంగళం భవేచ్ఛశ్వన్న భవేత్ తద్మంగళం ॥ 17 ॥
ప్రథమే పూజితా దేవీ శంభునా సర్వమంగళా ।
ద్వితీయే పూజితా దేవీ మంగళేన గ్రహేణ చ ॥ 18 ॥
తృతీయే పూజితా భద్రా మంగళేన నృపేణ చ ।
చతుర్థే మంగళే వారే సుందరీభిశ్చ పూజితా
పంచమే మంగళాకాంక్షైర్నరైర్మంగళచండికా ॥ 19 ॥
పూజితా ప్రతివిశ్వేషు విశ్వేశైః పూజితా సదా ।
తతః సర్వత్ర సంపూజ్య సా బభూవ సురేశ్వరీ ॥ 20 ॥
దేవాదిభిశ్చ మునిభిర్మనుభిర్మానవైర్మునే ।
దేవ్యాశ్చ మంగళస్తోత్రం యః శృణోతి సమాహితః ॥ 21 ॥
తన్మంగళం భవేచ్ఛశ్వన్న భవేత్తద్మంగళం ।
వర్ద్ధంతే తత్పుత్రపౌత్రా మంగళం చ దినే దినే ॥ 22 ॥
॥ ఇతి శ్రీ బ్రహ్మవైవర్తే ద్వితీయే ప్రకృతిఖండే నారద నారాయణసంవాదే మంగళోపాఖానే తత్స్తోత్రాదికథనం నామ చతుశ్చత్వారింశత్తమోఽధ్యాయే మంగళచండికా స్తోత్రం సంపూర్ణం ॥